घशास कोरड पाण्याचा ओरड
व्यर्थ रडारड करु नका ll सुखाचे आलय आहे मंत्रालय कुणाचीही गय येथे नसे ll राज्य हे टग्याचे आणिक बघ्यांचे पोकळ फुग्यांचे रंगलेले ll घेतले हे कष्ट कुणाची ही दृष्ट कोण नतद्रष्ट आग लावी ll मंत्रालय जळे कुणाला ना कळे असे कसे चाळे कुणी केले ll फाईल जळते कोणा ना कळते आंधळे दळते भ्रष्टाचार ll आगीची ही भूक कुनाचीही चूक सारे होती मूक पाहूनीया ll लागली हो आग जळालेली बाग याचा कुणी माग काढायचा ll राजेशाही थाट आता लागे वाट रस्त्यावर खाट आता आली ll प्रगतीची झिंग आम्ही मोठे किंग फुटू नये बिंग कुणाचेही ll जळाले घोटाळे लावा तोंडा टाळे भ्रष्टाचारी चाळे पुन्हा करु ll
-श्री. शंकर पु. देव
|
No comments:
Post a Comment